租多左件婚紗^^

上個星期六同未來62&99飲完茶後,
就同肥羊去左上水嫁衣confirm d衫~
講真~自從上次同佢吵完後,我真係十萬個唔想再見到佢~
但係~沒計啦~忍住到氣都要上去揀多次~~
諗唔到有意外收穫,肥羊荷包又出血了~haha
話說,我揀完D衫後,話想租多件婚紗用來註冊~
果個女人可能以為有生意做,
即刻轉態度,係咁幫我搵婚紗~
BUT我未話租多件前,
佢係叫我自己揀,仲話"點知你鍾意D咩",頂佢呀~
就係咁~佢攞左件我一見鍾情既婚紗出來~haha
係一件deep v都幾sex既婚紗~
but我一睇到就好like~仲著到我好瘦tim~
(不過我要再減一減,因為真係0岩0岩好拉到拉鏈者)

之後,因為我一路試,佢就一路話件婚紗好貴,好新~淨係租過出去一次者~
又話之前租出去一件要$1200,
所以又開始漫長既講價時間~
我真係服左佢~張單明明寫明"所有衫不加錢任揀"
佢都可以屈到我地加錢,
靚小小既掛又話要加$100,(唔係小五福果d),見到件小五福,佢竟然話沒期~but佢本簿上,12月中淨係mark左我地,其餘都沒mark野ge wor~真係講大話唔眨眼~
不過,我都費時同佢吵~佢話加就加啦~
我話唔要件男裝,換多件婚紗,佢即刻又話要加多三百~
ok~我都算,豪俾你~
最嬲係,佢吼我換緊衫時~同肥羊收錢, $100+$300=400,佢竟然收肥羊$500.
肥羊又傻下傻下,真係俾左佢~
之後,我搭巴士返去時先發現$2980+100+300=$3480,點計數架~
頂佢呀~咁都呃多我地一百蚊,真係乞衣~
勁想爆粗~打返俾佢,佢實唔會認~so~我豪埋俾佢~費時自己勞氣.
不過...我都嬲左成程車,沒理到肥羊~

第一件婚紗,諗住用來註冊著.

第二件婚紗,夜晚著,因為坐南瓜車入場,拖尾唔太方便~

新居

琴日招呼老豆&美美媽來新居食野~
雖然只係煮左d米粉&雞翼俾佢地食~
(因為之後仲要出mk買鞋,所以沒時間煮太多野)
但係佢地已經食到好津津有味~
美美媽仲要不停讚我大個女,終於識煮野食~
之後~美美媽仲話,不如係附近買層樓,搬來同我地一齊住,咁就可以成日見到面,又方便照顧我,唔使我自己煮野食~
我聽完之後,真係覺得阿爸阿媽好錫我呀~
見到我有了自己既屋企,依然都唔放心我~
情願自己搬來就我~~
當然啦~我唔會俾佢地咁做~屯門始終都唔會方便過荃灣~~
之後美美又忍唔住幫我拖地,洗碗,
老豆就幫我鑽左個衣架上門度,方便掛衫,
見到佢地做到身水身汗,
我真係覺得只要有老豆&美美媽係度,我就咩都唔使擔心~
佢地兩個永遠都係我既依靠&最最最重要既人~
所以就算明明係新居,我都可以攤係張sofa度睇電視~

之後,出左mk買鞋,帶左佢地去有利睇鞋~
兩老一見到樓梯底已經覺得唔like~
所以,最終,淨係我買到鞋,真係好求其買左對~只要唔著到腳痛就ok~橫掂都沒機會見到~hehe
盛惠$110.

之後帶左佢地去金都行下~美美媽對所有結婚用品都好有興趣,樣樣都問我買左未,買左未~
老豆仲話,得一次機會行呢度,因為得一個女~haha~

運完吉後就一家三口去左金魚街買金魚~
屋企又多左五條成員,依家魚缸熱鬧左好多~
返到去成八點了~真係辛苦晒兩老~haha~
愉快的一天~
今日掛八號,訓到十二點幾先起身~

網上買電器

我全屋電器都係網上買ge~
因為發現真係比豐x,百老x...果d平好多~
話說coco姐send左price.com俾我後~
我每次買野,都會上去格下價,
第一次睇時,都驚驚地架~
點解同一部洗衣機,豐x賣成$3899,price.com鋪頭賣$3100~
因為係貨到付款~
所以我決定一試~
試完後覺得very good ar~
由原廠送貨,保養就一定沒問題啦~
又有原廠派師傅來安裝,態度零舍好~
所以,之後~都會去豐x,百老x睇清楚款,問清楚功能,抄低個型號no.就直接打電話去落order送貨.
以下兩間,經過我親身證明,都係平靚正之選~
裝修緊既jm不妨考慮下~~
http://www.hkcpss.com.hk/
http://www.electrictung.com/contact.php

裝修總結~

好似好耐沒寫blog了~
其實已經hea緊~
因為新居大致搞掂晒~
依家陸陸續續買d家居用品,為下個星期入伙做準備~
講返新居裝修~
真係唔容易~
好多野要決定~好多野要諗~好多野要夾時間~
加上我完全唔識裝修,肥羊又因為工作關係唔方便聽電話~
所以好多時~裝修佬呀~木工呀~送貨呀~都係由我安排,由我聯絡~好多突發野要由我決定,
真係幾大壓力架~
(因為我一有壓力,就會狂食野來減壓,所以呢兩三個月雖然好忙~but一d都沒瘦到,仲好似肥左tim~)
裝修佬彬叔,係好朋友介紹~
當初搵左三個裝修人來報價,彬叔係最有效率既一個~即晚已經報到價俾我~
就因為呢點,所以我揀左佢~
果然~係十分有效率,我新居反轉來搞~都係一個月鬆d就搞掂,
中間仲要隔左個復活節,勞動節假期.
基本上,除左紅日,佢地日日都有開工,我好滿意~
but.......人無完美~
有效率之餘~手工就真係麻麻~好多細節位都不堪入目.
仲有就係唔夠細心~竟然將我廚房去水渠封左~
新居係開放式廚房+全屋木地板,if廚房爆水管~我就死硬~
睡房加左個TV制,前兩日買左電視,竟然用唔到個TV制,
我又唔想再有裝修佬來新居,因為所有野已經抹乾淨,個TV制仲要床邊~
我更加唔想有人坐我張新床~所以勁無奈~唯有接受~
寛頻電話線又係~香港寛頻來到先發現原來我新居上一手裝修封死左入屋線~
我地間屋根本上唔到網~(上一手業主係用NOTEBOOK,我懷疑佢地係用手指上網)
呢樣野~裝修師傅幫我接線時,沒可能唔知~佢地竟然沒同我地講~
搞到我裝寛頻時又係一肚氣.
仲有個坐廁,我明明加左$300要油壓板~
裝修師傅幫我收貨,幫我check晒話沒問題,因為個坐廁係佢介紹既鋪頭買~連埋磚一齊送貨來~所以單全部都俾晒佢~
點知last裝坐廁板時先發現沒油壓,單佢又唔見左~日子又隔左成個月~想追都追唔返~
真係激死我~
諸如此類事件仲有幾單,唉~所以我係唔推薦呢位師傅俾大家~
亦都好彩~係裝修前期~我沒介紹到個師傅俾幾位blog友.

木工阿明,係彬叔介紹~
彬叔不斷話大陸傢俬唔好~出邊訂做亦都好難fit size~
所以~我地揀左阿明即場做傢俬~雖然價錢貴成倍~but只要做得好~我地唔介意俾多d錢,
點知又係一肚氣~
手工麻麻之餘,叫佢鋪完地板先做傢俬~
佢夠膽死係鋪地板前一日做起左個高台床~
肥羊為左移佢個高台床俾地板師傅鋪地板~差d整親~
而本來應承我地用油壓較,又沒用到~仲要唔認~
因為呢個死阿明~搞到我同肥羊嗌大交~
所以我勁憎勁憎佢~

嘉怡廚櫃
廚櫃我地揀左深圳嘉怡來做~
一來佢地態度好~
二來多選擇~多款式,
雖然落訂後,我後悔過~因為彬叔係咁嚇我大陸d野唔好~同埋佢地都幾貴~
點知~廚櫃係最順利,最ok既一個項目~
有效率,有交待,
呢張就係嘉怡畫既圖~幾pro~

另外~我係新居附近既傢俬鋪訂做左張曲尺書台&電視櫃,total:$5500.
曲尺書台有個位麻麻地~遮唔晒窗台~其餘大致都ok~
一分錢一分貨,需知道,個曲尺書台如果俾個賤人阿明做~起碼8,9千~

至於地板,我地幫襯東達~東達個地板師傅雖然遲到~
but態度幾好~而且可以係預期內搞掂晒d野~
又幫我地退返多左既地板俾東達~唔使我地行多轉~

總括來講~裝修真係幾多氣受~不過,總算搞掂晒~依家有個安樂居~~hehe~