2012平安夜

平安夜係吉隆坡過~
唔知頭唔知路,
淨係知要食餐好既~
飲飽食足~
兩個人一齊就是最快樂~



左下角個漢堡包,等左半個鐘先食到~係一檔好有特色街邊即整既走鬼車仔檔(右上第二副圖)
雖然等得耐,但真係好食~而且好平~超多人當地買~~haha

聖誕之旅-吉隆坡-美食篇

五日行程,我地真係不停食~日日食足五餐,
又一個增肥之旅~haha
粟米同串燒係我地每晚不可缺少既宵夜.
仲有魔鬼魚,超正,ENCALL左幾次.
食左好多地道野~
呢D都係跟團食唔到ge~超like~

係馬六甲食左餐lunch~記憶最深就係一粒粒圓形飯波,同埋好似午餐肉既物體~賣相一流,味道麻麻~

聖誕之旅-吉隆坡-景點篇

話咁快,結婚一周年了~
即興買左國泰特價機票去吉隆坡玩下~
話是話,12月19日買唔到飛,12月24日反而買到~
咁就聖誕&周年group埋一齊慶祝啦~
吉隆坡話大唔大,話細唔細~
因為係hea玩,所以行程并唔緊湊,
好多時,行行下攰,仲返酒店訓個晏覺再出發~

我地多數係市中心玩,只係去左馬六甲行下~食下~
最搞笑係,我驚相機唔夠電,前一晚攞出來插電,
點知第二朝唔記得攞電,帶左部沒電既相機去馬六甲~叻叻~

又來旅行^^

結婚一周年旅行~
講真,真係沒諗過今年仲有得去旅行~
上個月同肥羊講開~
一周年唔知點慶祝好~肥羊竟然話去旅行啦~
一家之主出到聲,我梗係即刻做野啦~
其實沒目的地架~
純粹見邊度機票平就去邊度~
最後~吉隆坡五日四夜聖誕之旅~
國泰零晨機,真係玩到盡~

之後再發現~原來我地出發日子就係世界末日,21/12.
我地要坐飛機逃難~~haha~
yeah~~周年旅行+聖誕之旅.^^

婚後趣事

話說我每個星期都會返娘家兩三日,
順便過埋夜~
正所謂小別勝新婚~
所以同肥羊都仲好有拍拖時感覺~
訓覺前傾電話~
見到面都會相擁,好掛住對方~

希望大家睇完呢篇blog唔會食唔落飯啦~~haha~

打機

最近沉迷打機~
特別係隻生化6~
日日係HOME捉住肥羊打~
因為沒肥羊,我自己一個過唔到關~
因而形成左個好奇怪的情況~
就係~~~~依家係肥羊叫我唔好成日打機~唔好玩物忘志~
而我唔打時~肥羊亦都唔會打~
調轉左身份~~ha~



p.s.多謝coco借左隻無雙俾我打~hehe~~諗起都興奮呀~

搭車趣事

話說我同肥羊搬入屯門後~對66M巴士有諸多不滿~
因為MISS左一班車就要等好耐,
但其實係我勇於嘗試的情況下~
除左66M,原來仲有好多巴士可以搭,只係我地唔知~同埋唔係樓下落車而已~
所以依家已經沒左呢個煩惱~
附上一張肥羊等巴士照片~
我諗除非屯公大塞車~如果唔係~都唔會再出現呢個情況了~

搭棚

新居住左就來兩年,話咁快就外墻維修了,
外墻維修本身就沒咩問題既~
BUT搭棚就無啦啦嚇左我幾次~
其中一次~我去緊廁所,突然有人敲窗叫我唔好痾住~
嚇得我即刻彈起身搵老公lor~haha

而我地亦都第一次參加左業主大會~
好似黑社會講數咁~

光波爐美食~

買左光波爐咁耐,都未post過成品~hehe
以下就係我光波成品了~
多數都係半制品,即係已經醃好果d~
我淨係負責光波~非常簡單~
最好食應該係雞翼,做到外脆內嫩~

HONEYMOON三-峇里

 

都係果句啦~結婚未夠一年,所有旅行,我都當HONEYMOON架~
結婚後第三次旅行,真係過份左D~我阿HEAD今年唔會再俾我請假了~
ANYWAY~今次酒店真係好正~
峇里天氣好好~日日都晴空萬里~
唔熱又唔凍~又唔會落雨wor~
但原來聽人講,9月係峇里的冬天~果然係赤道地區.
第一二晚住villa~請真,咁大個女,去過好多地方~但係villa真係第一次住~
未行入屋,已經極度興奮~因為周圍都種左雞蛋花~大愛呀~
行入屋仲興奮~比想像中大既泳池,比想像中大既房,床,廁所,仲有浴缸,全部野都比想像中大,
導遊話,所以villa都超過2500呎~
住左兩日villa,梗係日日游返個早水~感受下鳥語花香~
咁靚既環境下~食早餐&dinner都零舍開心,
唯一缺點就係好多小昆蟲,周圍都係蟻.

第三四晚轉酒店,住pan pacific,最近海神廟的酒店.
講真,同villa比,梗係沒得比啦~
不過果度環境都好好~好大golf場,又有海景,
望住個海神廟食早餐~都幾寫意~
我地間房係四樓,已經係最高果層,仲棵雞蛋花係前邊~hehe~

 

 

今次行程都幾hea&寫意~陽光海灘very good~仲去左大堡礁曬左成日太陽~
今年的honeymoon旅行終於完美畫上句號.

p.s.當然啦~今年來多次旅行,我都唔拘,希望肥羊睇到我呢句啦~~haha

光波爐

光波爐已經到手啦~
真係幾巨型~

拍拖5周年~

講真,結左婚後沒諗過再慶祝拍拖紀念日.
純粹撞岩星期日,無無聊聊去食下野,
由搬入翠林第一日起,我就想試下搭B3A過深圳灣,
因為個站就係樓下,未試過返大陸咁方便,
所以就即興返大陸,即興食BUFFET了~
美其名慶祝拍拖紀念日~
三點鐘去到海岸城,雖然好大,BUT沒野行,全部野香港都有,
而想買手機套果D~又搵唔到~
記憶中有間家樂福係附近,
BUT又係搵唔到~(最後臨走,的士經過先見到~==)
最後唯有無無聊聊係海岸城行下~起碼有冷氣~
等到5:30,就開始大飽口福了~
講真,真係名過其實,四海一家好D~起碼有酥皮湯~
貴價野,燕窩,鮑魚,龍蝦全部要紅寶石先攞得~
一人得一粒者~所以基本上係食CHEAP野飽肚~
燒鴨,牛肉,腸仔任食~haha~
全晚最好食,竟然係北京填鴨,食左五round~
而甜品質素亦麻麻~
anyway~開心的一日~
屋企去深圳灣,計埋上樓都係半個鐘者~
下次試埋去落馬州,又係樓下有小巴~睇下方唔方便先~haha~

侄仔一歲啦~

話咁快,侄仔一歲啦~
琴日去左堂家姐屋企食飯,
難得姑姐姑媽都有出席~
小家族都有十人~算係咁啦~
真係好佩服堂家姐,可以煮出十人飯餸,而且唔怕辛苦~
我同肥羊到依家都唔敢請人上來home坐,
一來唔識煮飯,二來唔想整亂home,
兩個都係懶人~
小侄仔真係好可愛,肥嘟嘟,又任玩唔嬲~
一放落地,即刻飛毛腿爬來爬去~捉都捉唔住~
我地兩個同佢玩左一陣,已經好攰,但佢仲係精力旺盛周圍爬,
真係年紀大了~今朝起身竟然兩個都頭痛~haha~

婚後趣事

話說男人都鍾意打機,
肥羊都不例外~
不過肥羊就好有節制,一星期都係打三四次~
所以,我好少理佢~

琴日睇完9:30劇集後,因為我想煲網劇,
所以就同肥羊講,你打機啦~
點知肥羊呆左一呆後,突然好大反應攬住我話:你唔好放棄我啦~最多我打少D機啦~
HAHA~真係笑死我~~
呢個傻羊真係越來越得意~~

冰絲蓆

夏日炎炎~前一排突然想買床蓆解下暑~
係街望左下~都幾貴下~一SET床+SOFA蓆要五百蚊~
諗諗下~不如上淘寶裝下~
横掂五百蚊貨都係寫住MADE IN蘇州.
一望之下~就俾我發現左套粉紫色蓆了~
簡直一見鍾情呀~同我間房襯到絕~
啦啦聲買左~訓左大半個月~真係一D味都沒~好舒服~好靚~


相COPY FROM淘寶