終於完成上海8日7夜之旅了~
今次行程都幾攰,攰到我同老豆都病左.
第一日抵達上海home已經係7,8點了~
因為假期,上海超級難有的士,
所以,我地足足用左三個鐘先由機場返到home~
係home食完飯,就急急腳返酒店休息了~
幸好酒店同home真係好近,而且都幾靚,又平,下次返去都可以再住.
第二日,開始探訪親戚之旅,晨咁早已經出門口,因為上海實在太大,而親戚們又住得唔近.
所以用左大半日,探訪左三個最親既家庭,
下午仲可以返酒店休息下,沖個涼,準備晚宴了~
今次返上海擺酒,完全由老豆搞掂,四圍酒,
而我地怕麻煩,最後決定著便裝,帶左既晚裝西裝全無用武之地~haha~
老豆好落本,又冷盤,又小菜,仲有原隻龍蝦,加加埋廿幾道餸,沒一圍食得晒lor~
第三日,又係超級辛苦,我地返左常州拜山,阿爺阿嫲搬墳後,第一次去探佢地~
朝7晚9呀~又凍wor~
老豆終於支持唔住,病左~發燒38.6度,嚇死我地~食左藥都唔退燒,
第四日朝早即刻帶佢去睇醫生,39.2度,要打退熱針&吊鹽水.
我地繼續拜山之旅,拜阿公,阿公由細湊大我,好鍚我架~老豆唯有在家休息.
下晝,我地終於開始左自由行之旅.
第一站,七寶鎮,
本來想去周莊烏鎮架~but表姐話周莊烏鎮商業味好重,又多人~不如去七寶鎮,睇既野差唔多,又係小橋流水,又近d~
表姐以前係上海做導遊,佢咁講,我當然信佢啦~
所以就去左七寶鎮,地鐵直達,不過都用左成個半鐘先去到.
風景好靚,but人多到爆~我諗周莊烏鎮肯定更加恐怖.
第五日,出左去城煌廟行街,之後再去田子坊,田子坊好多野行呀~我買左架模型車,仲有懷錶,我同老公一人一個,好靚架~
第六日,我地搬去外灘間靚靚酒店~
原先係諗住喪蒲上海架,
點知.......輪到我發燒了~38.2度.
唯有乖乖係酒店訓覺~食左係大陸藥房買既藥,.
第七日,死唔信邪,想出去玩,but又沒麥力行路,
於是同老公買左飛搭果d開蓬旅遊車一日遊晒浦東浦西所有景點,超平,一人$30者.
點知,夜晚返到酒店,又發燒,38.6度.
是日夜蒲又取消.
第八日,又想去玩,去左酒店附近豫園行下~又發燒,救命呀~返去訓覺,15:00check out~搭夜機返hk~.
因為hk機場有爆胎事故發生,令到我地班機delay左兩個鐘.
11:30先抵達hk~返到home已經點幾了~
可能因為我病,搭機超辛苦~耳嗚到聾左咁,咩都聽唔到~仲要刺痛~嚇到我以為自己會穿耳膜,超辛苦~
而我地係上海買果隻水銀體溫表都因為氣壓問題而爆左~好恐怖呀~
在家休息一天,今日返工,依然病態中,好辛苦呀~
呢張相係酒店影出去既外灘夜景,真係好靚架~
(手機影,富士x10 d相,我仲未過落電腦)
呢張相係老公出街買外賣俾我食時影架~
我地就係住係左邊果間酒店了~
(老公好叻呀~一個人出街,都買到外賣返來~佢完全唔識國語架~)
