好友飯聚

好耐沒同阿心食飯了~
(其實上個月先見過~)
不過,自從有新居後~多數都係阿心來我HOME~
今次約左阿心係荃灣食飯~
同阿心食飯有個好處,就係佢次次都會帶我去食好野~
發掘新鋪頭,
今次呢間烤魚,非常正,湯底好好飲~
阿心因為就我,沒叫到麻辣湯底~試左酸菜湯底~好笑的阿心,落左成樽辣椒油入去,都唔夠辣~
佢可能沒諗到,我已經食得辣了~haha~
我地兩個大食之人~叫左一盤烤魚,兩個蔬菜併盤~仲有薯粉~
又食又傾,食足兩個幾鐘.幾驚俾人趕,隔離台都走左兩轉了~haha~~
同阿心傾解可以暢所欲言,傾到唔捨得走~
之後又去725買零食~第一次買芝士麵~~hehe~仲做埋member tim~
結左婚,就少左同朋友食飯,其實,我係好珍惜每一段友誼~
朋友們,你地千企唔好離我而去呀~~

婚後第一個生日

上個星期,過左我婚後第一個生日~
亦都係我第一次係新居過生日~
想上年,新居剛剛裝修好~我極度勁想係新居過生日,點知事於願違~
搞到上年生日仲發肥生脾氣tim~
依家諗諗下~都覺得幾無聊~~haha~

今年,肥生一早plan好晒行程,請埋假~連禮物都好大手筆~所以我好期待架~
點知~~~自己唔爭氣,係生日前竟然發燒,
第二日起身都仲未退~燒足兩日~
醫生話我可能腥紅熱,又可能手足口病,不過未輸晒,仲打緊仗~
anyway,總之就係發燒啦~
就因為個醫生長篇大論,講到幾咁嚴重(講左半個鐘,真係少有),
所以佢開左四日病假俾我~我無啦啦就多左個小長假期.
當然啦~我係訓足兩日~仲有兩日就係度hea~

最慘係~生日都病~肥生準備左花花送去我公司,我都收唔到~
要同事whatsapp張相俾我~
夜晚一早book左台食放題~~都心大心細左成日,唔知食唔食好~
最後~為左花花~為左生日~同你死過,照出去食放題~同事拎花花俾我~
我真係唔甘心生日留係home食粥呀~
就因為咁~~我喉嚨痛左幾日~勁多痰,仲引發埋流感症狀~
鼻塞,流鼻水~~
連肥生都俾我傳染埋~~燒左幾日~請埋病假~~
總之就係細菌非常勁~~

真係諗唔到,婚後第一個生日竟然如此波折.
不過,有肥生陪我,依然都過得好開心~~
雖然係昏昏迷迷咁開心~~haha

今年既大手筆生日禮物~

怪誕黑家族

我覺得肥羊真係好有bb緣~
由識佢開始~無論去到邊,左近都有一定有bb出現~
食飯啦~睇戲啦~效遊啦~就算行山,都可以有架bb車跟係後邊~
依家新居同層,都有個剛出世既bb~&大肚婆~
anyway~其實bb都幾得意~
but當你睇戲既時候~遇到d唔識趣既家長~就真係好討厭了~
話說新居附近的戲院真係超級平,早場$25者~
所以基本上,我地個個星期都會去睇戲~
而十次有九次都會有bb係附近~
anyway,只要唔太吵都沒所謂啦~
琴日,我地又照常睇戲,怪誕黑家族~
點知後邊坐左對母女~
女女應該都係得兩三歲,剛剛學識講野果d~
一坐低,已經係咁問,點解咁黑架~d人點解咁白架~間屋咁大,會唔會唔識路呀~
ok啦~開頭問兩句,沒所謂啦~小朋友係好奇心大~
通常識做既家長都會叫小朋友唔好再講野,專心睇戲,
點知個阿媽非但沒叫個女女唔好講野~
仲要好似上堂咁~一輪嘴解釋俾個女女聽~
一問一答,keep住十幾分鐘,我地同隔離對情侶都有轉頭望一望佢地~示意唔好再講野~
點知個bb女變本加勵,玩埋踢椅,真係好無奈~要肥羊出聲同佢地講.
but~其實套戲都幾血腥~根本唔適合小朋友睇,更何況係bb女,
有幾個位都嚇到個bb女大叫~
當然對大人來講係小兒科.
我想講,一來你地影響到人地睇戲,二來帶個咁細既小朋友睇d咁血腥既戲,係會童年陰影架~
套戲根本唔適合小朋友睇,唔該d家長有小小自律性~都有小小常識啦~會嚇親個b架~
本來套戲幾好睇~but俾對母女搞到我成肚氣~基本上唔太記得套戲講咩了~

母親節

今年母親節美美係上海照顧緊阿婆,所以沒得同美美慶祝,
不過~我咁鍚美美,梗係唔少得份禮物啦~
於是越洋送左扎公仔花俾佢~~
開心到美美即刻打俾我,話好靚呀~
見到美美開心,我就開心了~

話是話,依家有淘寶真係超方便,
就咁上網落單俾錢,就可以送貨上門~
仲送埋張心意卡,可以俾我寫d深情款款既說話俾兩老~
已經個半月沒見過兩老了~
真係好掛住佢地呀~
不過~我都明白~美美要照顧阿婆~而老豆係上海多朋友陪佢玩~連身體都好左~
所以我唯有忍痛,俾佢地留係上海耐d啦~

以下就係我係淘寶買既花了~係唔係好靚呢~~

又一生日禮物-galaxy note

呢輪覺得自己越來越奢侈
剛買完ipad~又想買note~
好在有個好寵我的老公~
多謝老公~又多一份生日禮物~開心呀~

牛奶的黑

後補BLOG.

早在去上海之前,已經買左呢部相機~
廣告宣傳:"牛奶的黑",完全唔明咩意思~
不過見網上評價唔錯~而且又輕巧,方便帶出街.
做為半個富士迷既我,當然即刻就買左啦~
MADE IN JAPAN,有120,180,360度環拍,
色彩各方面,暫時都非常滿意~~

流連~

最近愛上左流連~
其實都唔係最近,自從n年前去泰國試左一次流連後,就迷上左佢~
不過娘家少買~所以都唔係經常食~
依家經常去街市~一見到流連,就忍唔住想買~
but又唔知肥羊食唔食wor~
前幾日同佢一齊去街市,見到流連特價~
即刻問肥羊食唔食~原來肥羊唔抗拒~but佢home又係唔買流連既~所以佢話佢有幾年沒食過流連了~
第一次買~小試牛刀,買個細細個先~
拆出來得四舊,真係超甜,超臭呀~
極速消滅左後,發現唔夠喉~第二日.....

買左個巨型流連~haha~
兩張相色差咁遠,係iphone & sumsung既分別~




另外,最近係屯門市廣場發現左間榮式雞扒~蓮餅超好味~but飯好硬~
次次都爭扎好唔好自己帶飯去食~~haha