半年啦~^^

時間真係過得好快~
眨下眼~已經結婚半年了~
同肥生生活左半年~
雖然間唔中有D瑣碎事會令我哦佢~
不過,肥生驚人的耐力~完全俘虜左我~
我地每日都過得好開心~~
我由初初想做個家庭煮婦,每日都深思熟慮煮咩餸,
到依家,每日都諗緊點樣可以簡單d~用最少的人力物力去煮餐飯,又或者~簡單d~叫外賣~haha~
半年日,本身想食烤魚的我,因為肥生想浪漫d~無無聊聊係荃灣搵左間西餐廳食飯~
過多兩日,我地又去左食烤魚,
過多兩日,戒甜既肥生又買左個蛋糕~
haha~過多兩日,又話想去食放題~
肥生呀~肥生~
你老婆我已經要著大碼衫了~

父親節

難得老豆返來同我過父親節,
我梗係要同老豆食餐好ge啦~
行過牛涮鍋,聞到陣陣香味~
就決定食呢間了~~

兩位可愛男士~^^

離開

人總有生離死別,可能我還未習慣面對~
所以眼淚忍不住流.
琴日收到同事去世的消息~即時已忍不住痛哭.
原來,當一個相處了八年的大哥突然消失人間~
果種心情真係好辛苦~
上個月的今日,我還同佢談笑風聲,今日,已經再沒機會了~
雖然不是親人~但是日夕相處八年,想起每日追貨,每日串佢顏色做得不對~
因為我地住得近,想起公司食飯,同佢一齊返去,成日係巴士站撞到佢~
點點滴滴,眼淚就忍不住流下.
今早返公司,聽到同事話想太多.
我不禁就聯想起自己,的確是想太多~
但是,一個人的離開,永遠的離開~想一想,懷免一下,又有何過~
必竟,以後都再也見不到,只留下回憶.


p.s.容許我流眼淚~其實我沒事,眼淚只是不受控制的流下.

光波爐

因為coco姐既引誘,我地團購左個光波爐.
其實之前睇戲都見過~果時已經心思思想買~
之後就當然沒左件事啦~
今次買左~我要整燒雞俾肥羊食~hehe
話說我一返到home,就即刻同肥羊講,我買左個光波爐,
肥羊好興奮咁由書房沖出來話"咁好"
我心諗識貨wor~~
點知~原來佢聽錯~以為我買左個菠蘿~真係俾佢激死~
仲要好失望咁問我,光波爐係咩來架~會唔會係last一個煲~
我問佢,仲有咩煲可以買~佢話"真空煲"
真係good idea ar~買來煲湯都幾好~
諗唔到肥羊鍾意菠蘿多過光波爐,我個光波爐真係命苦~

踏出第一步~

話說我地結婚係沒諗過生小朋友架~
But~~我地兩家長老都非常恨抱孫~
成日借d易,明示暗示我地快d生B~
由99係我地結婚前幾個月,已經借D易叫我地幫佢攞玉,跟住話舊玉係送俾將來個孫~
而美美媽亦都係結婚前兩個月,已經叫我唔好亂食野&藥,會影響生BB~~
到結婚後,美美個個月都會問一次有左未~
IF俾佢知道我M來,更加好似係做錯事咁~狂啤我~

係我深思熟慮後~
(因為肥生淨係識講"生肥仔BB就沒得養肥仔猫,養肥仔猫就沒得生肥仔BB)
終於決定,二選一~揀肥仔BB~~
因為我知兩家長老真係好恨抱孫~
而我亦都悶悶地~想生個B出來玩下~haha~

所以,既然決定左~就要開始準備啦~
第一步,孕前檢查~
我同肥生都係有責任心既人~我地唔想個B生出來會有咩事~
所以,做個檢查,安全D~
用左一日時間search,極速揀左美邦~
本身想揀家計會架~but家計會驗地中海要另外加多$1200
美邦就一個價錢包晒~~仲有一百蚊百佳coupon送,即係$1100就搞掂兩個人~
原先仲平架~有個$960plan~~就沒觸診(檢查生殖器官)~
沒觸診就唔使俾人摸身摸細~都幾好~
but諗諗下,做得檢查,就係想安心d~而且到生B果下~都要俾人望晒架啦~
算,一次過~清清楚楚驗晒佢~
網上俾錢第二日~美邦就打來約時間了~
講到檢查前準備~我仲同個姑娘一齊傻笑tim~(諗到衰野)

依家約左6月30日檢查,希望到時唔好太多人啦~網上聽講,呢間野超多人join~星期六分分鐘排到出門口~
等做完檢查,再睇埋報告~就可以正式造人了~
不過都係三個月後既事了~haha