雞脾

肥羊成日都有D笑事,令我開懷.
話說星期日,同肥羊一齊睇MAY姐有請,
電視入邊正介紹緊鮑魚燉花膠,
我突發其想問肥羊,如果俾佢揀,食鮑魚定係花膠?
.......................................................................................
呢隻羊竟然答我~~~揀雞脾.
........................................................................................
DIED AIR左幾秒,狂笑~

蝴蝶酥

我沒荒廢到光波爐架~
今次整左蝴蝶酥,
真係超簡單.易整.
食到6299係咁讚.

讚既背後,就係6299要我encall整俾親戚食,
搞到我同肥羊整左成晚.
最後肥羊落order,一年內唔準再整蝴蝶酥.haha~

美心彩虹cake~

美心出左彩虹cake~
家中cake王梗係第一時間要試試啦~
賣相一流,特別係佢條絲帶,搞到我唔捨得掉~
味道都唔錯,每層都夾有生果~而且好軟熟,好新鮮.
cake王讚不絕口~

堅嬲~

2013年第一日返工,就俾個癲婆鬧,呢單野,我真係堅嬲~
話說我阿HEAD,呢一刻我真係叫唔到佢做阿HEAD~只可以用PK來稱呼佢~
PK早在養猫初期已經應承如果有猫BB,就會俾一隻我~
ANYWAY,直到上年11月,佢隻猫生左串燒三兄弟,
咁我就當然歡天喜地啦~THEN再係眾多同事面前問多次佢係唔係俾我,
佢當時問我係唔係諗清楚,真係養,我話諗清楚了~
老細都可以做證,仲即時講埋封幾多利是TIM~

於是,就過左個半月了~PK話要等三個月斷奶,打埋針先俾我~
而我亦都陸續買緊D猫用品,準備猫新居~
點知~就係今朝,2013年第一個返工日~PK條女竟然SEND WHATSAPP俾我~
佢話佢已經賣晒D猫,仲話佢隻猫唔會再生B,叫我唔使等~
SHIT~隻猫變左佢條女隻猫,唔係PK隻猫,
我當然第一時間WHATSAPP佢,問佢係唔係講PK隻猫,AND PK一早講左留隻俾我~

點知佢堅持話猫佢都有份,佢要賣晒三隻~連訂都收埋~
SHIT SHIT SHIT SHIT SHIT SHIT~
沒口齒,為左錢就賣晒D猫,

我真係勁慶lor~我係fb留言"言而無信最可耻,嬲"
點知條女竟然打來鬧我,
話我搵著數,無賴,仲警告我唔好亂講野~仲講左d難聽既說話,
有沒搞錯~一開始係pk應承ge~我只係攞返佢應承我既野~我咁叫搵著數,咁叫無賴~
仲有就係,我講既句句都係真話,一句亂講都沒,驚我講,你就唔好做啦~~(因我fb add晒老細&太子&同事)
and then~問題係佢度,佢竟然好意思打來鬧我呢個受害者~
鬼知隻猫你有份~鬼知pk沒同你講咩~呢d係你地既問題~唔係我既問題~你憑咩打來鬧我,係都係我打去鬧你啦~~shit~

真係勁嬲~~
好地地養隻猫,無啦啦俾人咁樣鬧我~依家送我都唔要~