敵對

話說前兩日,狗仔無啦啦沖埋肥羊腳邊抓佢,
搞到肥羊隻腳流血(小小血),
肥羊鬧左佢幾句,將佢困籠,仇恨就開始了.

第二朝狗仔係廁所門口痾左篤屎~
沒錯~第一次沒係砂盆以外的地方痾屎.
當時肥羊係廁所,而我已經返左工~
所以我斷定狗仔係為左報復而痾屎.
激到肥羊即刻困佢籠.
唉,兩父子有隔夜仇,
難為我~~~夾係中間,左右做人難~

琴晚同肥羊食飯睇戲,補償肥羊成早流流執屎抹地.
返到去,見到兩隻衰豬好慘咁係籠入邊叫,
即刻心軟,放返佢地出來~

其實佢地好乖架~
肥羊大人有大量,唔好嬲狗仔啦~

兩位大帝

最近好少寫blog~
公司實在太多野做,非常忙.
由朝做到晚,沒晒心機~

眨下眼,兩位大帝已經四個幾月大了~
住左一個月,兩位已經非熟悉新家,
而且...完全地當媽媽沒到,
經常性係我隻腳度玩,又成日橫跨我同肥羊大脾玩追逐戰.
不過兩隻仔又真係好可愛,成日訓到隻豬咁~
狗仔(細佬)招牌post,係唔係好似隻招財貓呢~^^




狗仔最鍾意訓係我同肥羊中間~,
係都要做燈膽.

大頭(大佬)勁嗲人,成日high身high世,
最鍾意媽媽摸佢個頭,跟住就會反肚~
試過幾次係我隻手上訓覺,真係沒佢符.

大頭訓到成隻豬咁,幫佢蓋被佢都唔醒,超搞笑~

爸爸次次打機,
兩個門神就會出現~
搞到爸爸依家好似打障礙賽咁,
要隔貓踢波.