狗仔去左彩虹橋

五月雖然係我生日~但係,今年五月,對我來講,係一個黑色五月~
狗仔係四月尾時突然痾GEL,又痾唔到便便,
我同佢換左三間診所,睇左四五次醫生,
期間,狗仔有好轉過,有停左痾GEL,痾到便便,
但係一停藥,又好快覆發,
直至上個星期四,確診係腹膜炎(FIP),
前日5月27日,狗仔去左了~
5月27日係狗仔半歲生日~
就係果一日,肥羊收工返屋企,摸左一下狗仔,狗仔用佢最後一啖氣叫左一下,就去左了~
佢終於都捱到爸爸返來~
狗仔短短半歲,已經受過咁多苦,
佢係一個好可愛,好貪玩既小朋友~
點解命運唔肯放過佢,係要佢受咁多苦.
果晚,我喊左成晚,自責係唔係自己照顧得佢唔好~
自責點解佢會由便秘變左腹膜炎,
我真係好心痛~
沒諗過佢會咁快離開我~
狗仔~媽媽好掛住你~你要好好地係彩虹橋同朋友仔玩~果度沒病痛,有無限貓糧俾你食~
等媽媽百年歸老,再與你相聚.

困車立

琴晚困車立呀~
咁大個女都係第一次係住宅困車立,
本來以為自己會好緊張,好驚,
點知異常冷靜,
仲識打電話報警TIM~
不過打左好多次都唔得,沒訊號,
嘗試SEND WHATSAPP俾肥羊求救~
竟然得WOR~
點知個傻佬驚我整古佢~BUT又唔放心我,
沖左落樓下搵我~
果刻真係幾感動~HAHA~
最後,我被兩位靚仔消防員救左出來~
有驚無險~HAHA~
困車立受害人之一,狗仔,亦都異常冷靜~
反而有個中年阿叔好緊張,仲要DUM地~嚇屎我地~

P.S.帶狗仔睇醫生,第三次了~狗仔便秘仲未好返,非常擔心~