honeymoon大阪和歌山

突然醒起,原來我一篇honeymoon都沒寫過~
其實我正式honeymoon係婚後第二日出發,日本大阪和歌山京都.
講真,詳情我就唔太記得了~
淨係記得肥生~係機場同我嗌交~仲要逼到我係機場大灑淚水~
肥生你大鑊了~呢單野~我依家記錄在案.
其實事發經過同之前去韓國有d相似,又係失蹤事件~
不過今次好冤枉~直到今時今日,我仲係覺得好冤枉架~
話說,肥生係侯機室想去廁所,就叫我自己搵個位坐住等佢~
咁當時已經有好多人等緊上機,沒麥位坐,而我就搵左個位坐係條柱後邊~
我諗住肥生會走來走去,實搵到我啦~侯機室有幾大者~
點知~等左好耐,都唔見佢來搵我~等到廣播話要上機了~都唔見佢~
咁我咪起身周圍望下lor~(我承認我係煲住劇等,沒抬頭望過)
點知,一起身就見到個傻仔非常焦急,周圍行來行去~面都紅晒係度搵人~
咁我咪即刻彈係佢面前lor~仲同佢say左個hi tim~
就係咁,肥生勁嬲爆,仲話我係特登躲起唔俾佢搵到~又話我特登要佢嬲,
果下,我真係勁冤枉,係佢自己叫我搵位坐~我又沒坐得好開~坐返係登機位果個area~
所以我就忍唔住喊了~
講真~我唔知其他情侶係點,但係我同肥生真係好少嗌交,五隻手指都數得晒~
而係未成為肥太前,拍拖四年~我淨係喊過一次~係因為新居裝修問題~
所以~肥生一見到我喊,佢就投晒降了~仲話我喊咩,係我唔0岩~
我諗當時佢真係好嬲,仲覺得自己先係受害者~應該係佢喊~haha~
唔理佢啦~總之我就係要喊~結婚第二日就搞喊我~呢個罪名~肥生你要揹一世了~~haha

之後既行程,我淨係記得好忙碌,好豐富,好凍~
買左好多野,食左好多野~返到香港非常攰~
所以~如果想hea過honeymoon,我提議各位,都係揀個hea d既地方~
話晒結婚都已經夠攰了~~haha~