2013回顧

今日係公司閑閑地~
突發奇想,寫返篇2013回顧,
請真2012年過得好開心,好平淡,係我同老公既HONYMOON年~
二人世界左成年,係2013年,我地決定加新成員,
但係呢個新成員真係來之不易~
中間經歷了痛苦,折磨,認清了人性險惡,
亦都認清了何謂朋友,認清了某個人真面目.
新成員就係貓貓了~HAHA~
2013上半年,真係痛苦中渡過,
由某人應承俾貓我,到佢條女打來發爛渣,無辜被罵.
雖然之後個女人有打來SAY SORRY,仲話有第三者,係我面前痛哭流涕,
但中間太多大話,我已經深深認清楚呢兩個人真面目,以後沒朋友做~

之後,兩隻仔仔出現,我全心全意照顧佢地~
但卻先後因fip離世~心痛感覺,依家依然難捨~
頭半年就係咁樣過了~
我只可以同自己講,係上天俾我既考驗,
上天想我提早感受痛苦離別既感覺~
亦都令我明白,好多野,強求唔來,勉強沒幸福~
當你好想要某樣野,用盡一切方法~到頭來,反而更加痛苦.
幸好一路有肥羊係身邊,支持安慰我~

就係呢個時間~上天可能可憐我,
安排了囡囡出現,我地生命中既真命天女~
肥叮既出現,令我地家又出現了笑聲,
重回快樂~要再次多謝benny哥,送隻貓貓俾我~
呢隻玩皮既嗲精,帶左好多快樂俾我地~
雖然佢成日搞搞震,但只要佢一跳上我地大脾,就咩氣都沒了~

呢位體操運動員,琴日發現左新玩具,我地既晾衫架~爬左上去,又唔敢跳返落來~
正一無膽貓.
叮叮已經九個月了~爸媽只想你每日都過得開心快樂.
2014年依然食得訓得玩得痾得.
而2014年,我地係受到各方長老既壓力下,
決定要進行另一項大工程~希望一切順利~

慶祝棉婚

時間過得真係快~

眨下眼,已經結左兩年婚了~

不過,第二年肥羊已經唔同我一齊過結婚周年了~

原因係佢公司X'MAS PARTY竟然係同一日~

而且獎品吸引~幾乎人人有份~

幸好,呢位先生都仲識做~

送左扎花俾我,HEHE~

今次顏色揀得唔錯,算你啦~HAHA

 

呢份就係獎品了~

好彩唔係抽到冬菇~

都算有交代.^^

呢部野可以WIFI過相,禁兩個制就可以過到手機,勁方便,

而且好細部,單手可以影相.

我係街見到,竟然要$3680,

原來我老公都算係抽到份大獎,真係抵錫.^0^

 

周年正日,約唔到老公,梗係搵老死啦~

老死kimmy姐,一聽到我慘況,

即刻問我想食咩,佢book台,

kimmy姐辦手,100%放心~

一星期前已經book左台食雞煲,

沒錯啦~我咁大個女竟然一次雞煲都沒食過~

同肥羊講左m次想食~

都無動於衷,呢d就係老公了~

好彩仲有老死~

呢間至至尊雞煲真係唔錯,

任食任飲,而且仲有熟食~

飲品櫃選擇多到同7仔差唔多,

真係沒介紹錯,

飽到頂住個胃,第二日早餐都食唔落.

 

再講下老公點同我慶祝,

老公早一日來接我收工,

食泰國菜,

呢d泰國菜真係唔錯,

份量十足,價錢又唔貴,

而且有卡位坐,裝修又新~

兩個人叫左成台餸,都係三百蚊度,抵食~

食左兩日,即刻感覺自己肥左好多~

 

今個月仲有件大事,就係哥可結婚,

肥羊阿哥今日終於娶老婆啦~

我終於有阿嫂了~

雖然同阿嫂唔熟,

但係都可喜可賀.

 

本來以為阿嫂入門,

第一年冬至,一定會大搞,

點知,早兩個星期已經約好冬至正日食飯的99,

竟然話要去舅父屋企打牌而取消.

延遲一星期先做節,

對於圍村大既99來講,

真係有d奇怪~

anyway~冬至正日係屋企食,自家煮~

宜家肉丸,真係勁方便,勁好食~

就咁叮5mins,肉味已經出晒來~

再配埋果隻紅色果醤,

兩個人食左20粒~haha~

仲有牛扒,今次失手,

波太耐,老到咬唔到~掉左~

雲吞沒得輸,好味~

仲有蘋果酒(我地呢期好酒,屋企突然多左紅酒,梅酒,蘋果酒)

最後加埋個半磅芒果蛋糕~perfect~

我同老公就係咁易滿足ge了~haha~

 

 

再講下我家另一成員,肥叮.

呢隻叮除左用八掛,肥來形容佢,

都諗唔到第二個詞,

呢期佢好like係廚房望風景,

望到忘我境界~

同埋呢~我開始信,女女係爸爸前世既情人,

佢除左晚晚坐爸爸大脾睇電視外,

前晚開始,成晚訓係我同肥羊中間,

仲要係打橫訓係被面,

令到我兩公婆完全掂唔到對方~係全晚都係~

真係令人無言~

再接再厲

話說上個月跟足指示,都係食白果後,真係有D失望,
無奈唯有繼續努力啦~
最近好似特別多明星懷孕生B事件,繼大S前日宣佈有左,
琴日諸葛生左,今天陳太又生埋,
而我有個結左婚三年既舊同學都終於有左了~
一件連一件,有D衝擊~HAHA~
不過我有不斷叫自己,唔好心急,唔好緊張~
始終我地都係剛剛開始~
只係事實證明,生B唔係一擊即中,
今個月揭曉日係我地結婚周年日,
希望上天可以俾個好消息我地啦~

PS,老細無啦啦話過年公司去旅行,人地PLAN緊生B~已經特登避旅行,當平到笑既機票隱形,
仲要去台灣五日~近近地去澳門算啦~真係無奈=_=

準備中

話說本身唔想生bb既我地,上年年尾做左孕前檢查,準備生bb~
but~貪玩既我地,又一路都沒停過去旅行,
明知去旅行,就梗係唔會搞搞震啦~
去完六月既台中之旅,諗住係時候了,因為想生馬b~時間差唔多了~
點知,又無啦啦入左院住左三日,全身檢查左一輪,
當然有照波呀,光呀之類既儀器~
所以醫生就叫我地兩三個月內唔好有住.
到了十一月,台北之旅都去埋了~
我又終於搵返我讀書時睇既中醫,調理身體,
一切好似勢在必行了~
肥仔bb~爸爸媽媽會開始努力,盡快帶你來呢個世界了~haha~

除頭罩

肥叮終於除左帶足兩星期既頭罩了,

開心到成晚周圍跑,

有d懷念果兩星期,佢晚晚乖乖訓覺既日子,

不如幫佢帶返啦~(講笑)

一除頭罩,就狂lam自己十幾分鐘,

特別係傷口,

好彩狠心沒幫佢除頭罩,

如果唔係,實lam到傷口發炎.

人地話貓地絕育後會溫順d~

but我肥叮琴晚竟然咬我,

仲要連扑我隻腳兩次,

之前完全未試過咁~

就因為我唔俾佢去廁所玩,

之前都唔俾ge啦~

激死我,

難為我咁鍚佢,為左小小事而咬我~

POST你全相上網,哈哈!!

 

 

星期日去左沙田宜家,

因為某D原因,之後可能要經常去沙田,

希望唔使啦~

去轉沙田要成個鐘,來回兩個鐘呀~陰功~

 

元朗蛇更,

想食好耐,終於俾我試到了~

麻麻地,都係荃灣好食D~勝在有套餐,超飽.

肥叮絕育

肥叮终於完成左件大事了~
媽媽知你好痛~但係沒辦法啦~
星期六11:30送去診所,5點幾就收到電話可以走得,但係因為驚麻醉未過,所以我地特登等到19:00先去帶肥叮走~
去到診所時,肥叮個樣好慘呀~趴係度完全唔郁~
一見到我,竟然即刻轉身用patpat對住我~
可能嬲左我地,無啦啦帶佢出來開刀~

anyway~返到屋企,就成隻精靈晒~係咁喵喵叫~應該係鬧緊我地~又係個籠入邊爬上爬落,我一開籠門,仲俾佢走甩左tim~嚇得我呀~大佬呀~你剛剛做完手術~唔好亂跳呀~
第二朝四點幾又喵醒左我地~我估佢肚餓,因為醫生話手術後11點先可以飲水,第二朝先食野~所以佢已經一日兩夜沒食過野了~
果然~我一隊罐id罐頭埋去,肥叮即刻狼吞虎嚥狂食~一野就食左1/3罐,我唔敢俾太多佢食~驚佢嘔~之後每隔四個鐘,就俾兩匙id佢食~唔使一日,一罐156g既id罐頭就俾佢消滅左了~

而肥羊實在太錫個女,竟然今朝四點幾放左個女出來,好似湊b咁跟住佢行~肥叮都好似有靈有性,出來行一圈,就痾左幾條靚便便了~所以之前驚佢食唔落野,怕痛唔痾便便,呢d問題已經全部解決了~
依家等多十四日就可以拆線,肥叮你忍耐下啦~頭罩要帶多十四日先得了~

老豆肥羊台北生日之旅

先送上一張肥叮訓覺三部曲睡姿^^
星期六又係寫blog既時間~
其實我好內疚架~咁耐沒寫blog~
奈何我真係仲未用慣blogger~一直逃避~

上個月,我又去左旅行,台灣之旅~
又係台灣?沒錯,6月先去完台中,十月又去台北~
點解會有呢次行程呢~
主因係,我老豆60大壽,唔想大搞,所以我就提議去旅行啦~
咁大個女未試過同阿爸阿媽去旅行架~
所以揀左我最熟,去過無數次既台北啦~
真係密過返鄉下呀~

執行理時,又點少得肥叮搞搞震呀~
呢隻衰女,意圖想躲入喼跟我地走~haha~

四日三夜好快過,同爸媽去旅行,真係大壓力d架~
因為成日驚佢地走失,全程係咁跟實佢地~
不過都玩得好開心~
爸媽仲話要來多幾次台灣tim~haha
今次去左淡水,八里,情人橋,北投,十分,九份,侯銅,中正,國父紀念館,美麗華摩天輪,夜市就淨係去左士林夜市.
上引水產,壽司刺身好新鮮,連美美都話好,因為佢食完沒肚痛~haha

去左馬辣打邊爐,

台灣打邊爐真係好正,咩都有,又平wor~

呢餐就係慶祝老豆同肥羊生日既生日大餐了~haha~

擔心

好耐沒寫BLOG~真係有D唔慣用BLOGGER,
最近煩惱緊肥叮絕育,
肥叮就來七個月大了~
日日見到佢健健康康成長,真係好開心,好有滿足感~
但係,七個月大,開始要考慮絕育了~
好擔心會有意外,
又唔想隻囡痛,特別係每晚見到佢無憂無慮玩緊既時候,
更加唔想佢無啦啦捱一刀~
個心好矛盾~知道絕育係必然~但係又唔想見到佢痛既樣.
終於體會到做媽媽既心情.
肥羊都話好唔捨得,不如唔好絕啦~
但係唔絕,手尾仲長~
唉~~矛盾+擔心中~~

P.S.已經申請左愛護動物協會既COUPON,唔知係唔係真係用到呢~會唔會將貨就價架???

搬新BLOG

各位,我已經開左新BLOG了~
雖然未係好識用~
但都會KEEP住用~
得閑來CC~^^

http://freelamhk.blogspot.hk/

慶7周年

搬左blog後,真係好多野都唔識用~

但係又想繼續紀錄生活點滴,

唯有頂硬上啦~

7周年拍拖已經係上個月事,

不過一路都唔記得寫blog~

記得果日,肥羊一早已經book左台慶祝~

因為要返工,所以近近地係屯門食,

間野叫360 SPAGHETTI,

普普通通意大利菜,

貪佢坐得舒服~可以慢慢食~

叫左超多野食~味道普通,小食好味過主菜~

不過,我成日都講,好唔好食,要睇一齊食飯既人係邊個~

同喜歡既人一齊食野,

食咩都係好食既~~HAHA~

所以~都係愉快的一餐,

其實,只要知道老公有心安排,已經好滿足~^^

 

新開始

YAHOO BLOG關閉,
真係好失望~
唯有另謀出路,
始終,寫BLOG已經成為習慣~
而之前寫開的BLOG都係非常珍貴的記憶.
希望係呢度可以繼續同所有BLOG友聯繫~

健康生活

自從上次入院,醫生check到我膽固醇高後,
先發現自己真係太放肆,放肆到身體出左問題~
自此之後,我地兩公婆係飲食方面做出了檢討~
日日煮真係沒麥可能~
不過都會減少叫外賣次數,
食下生果,最近好like飲生果汁,
每日一隻蕉+奇異果+火龍果,好好飲~又簡單.
肥叮仲做埋代言人tim~

另外,天氣熱,冷麵冷烏東就係我地近期食得最多既野~
屋企長備帶子刺身~at least沒咁肥~

閑時種下花草,修養生息~haha

 

 

叮叮生活照

叮叮呢隻豬知道我地一見到佢反肚就會摸佢,
依家成日都係地下係咁反肚,
典來典去~好搞笑~

最近發現肥叮只要我地係屋企,佢就會掛住玩,唔訓,
星期日,捱到下午,終於忍唔住訓了~
不過....係訓係我大脾度,
一訓就訓左兩個鐘,腳都痺~
之後又賣萌,係咁反肚~

唔覺意整醒左佢~
即刻屎面,十幾秒後,繼續訓,睇來真係好眼訓wor~

呢隻八掛叮,搞住肥羊用電腦~
幾大個patpat~^^

肥叮keep住每日早上四五點喵醒我地~
今朝,四點已經喵,因為太眼訓,所以唔理佢~佢竟然抓門,撞門,吵左兩個鐘~
究竟有咩辦法可以停止佢一早喵~救命~

聚餐

我真係懶到爆,
幾個星期先寫一次blog~
上兩個星期跟左肥羊去佢兄弟屋企聚餐,
好多野食呀~生蠔,三文魚,帶子,羊架,都係我至愛,
睇住幾個男人係廚房整野食~身水身汗,感覺好奇怪~
而我梗係同另外幾個男人打四方城啦~haha~
好盡興既一晚,
第一次見到新哥飲醉,捉住的士司機話要再飲,
笑爆~haha~

新哥原來係大廚,將牡丹蝦既頭煲湯煮天使麵,超好食,即刻叫肥羊學~^^

叮叮打針

好野,大小姐叮叮終於打晒三隻針了~~HAHA~
琴日帶叮叮去打針,
平時喵到拆天既叮叮,竟然一聲都沒叫,
趴係度周圍望~
醫生都話佢好大膽,唔叫仲要主動行出貓袋.
我心諗,佢可能係驚先唔叫,唔驚先叫~~

其實帶叮叮去打針,我好緊張架~
因為之前兩個仔因為身體唔好,六個月都仲打唔到針~
所以我驚醫生話叮叮有問題唔打得針~
我勁緊張望住醫生幫佢CHECK牙仔,耳仔,眼仔,肚仔,再度埋體溫~
終於,醫生話"好健康,可以打針"
果下,我好感動呀~~HAHA~
打完針,醫生仲話要抱多叮叮一陣~HAHA~
醫生話叮叮都大得幾快,一個月由2KG去到2.4KG,
同埋都幾肥~BB肥唔緊要,叫我KEEP住~
我真係好開心呀~
希望叮叮五個月既時候~可以去到3KG~HAHA~小肥豬~

返到屋企,貓袋都未擺低,呢隻衰囡又開始叫了~
果然,返到自己地頭,即刻恢復本性.

之後又係周圍行,跳高跳低,不過腳步有D浮浮,
仲諗住今晚可以有覺好訓,
點知衰囡準時5點又叫醒我陪佢出廳訓,真係沒佢符~

另外,我問醫生幾時絕育,佢竟然同我講名種一歲先絕比較好,
除非佢叫到你訓唔到覺~就7,8個月絕~
我心諗,佢依家已經吵到我訓唔到覺了~

anyway,只要叮叮健康~我同肥羊就開心了~haha~
肥羊隻衰豬錫到叮叮隆,果然阿爸係錫女多d~~

入院記

點解入院會關叮叮事?
話說上個星期日,肥叮被困鞋櫃底~
我地趴左成朝,終於救左佢出來~
第二日,我為左避免案件重演,所以係公司收集左好多紙皮,封櫃底.

係同一日,我發現我左邊肚腫左一塊,禁落去仲好痛tim~
所以我就去左睇普通診所醫生~
點知醫生好緊張,即刻寫左封轉介信,叫我去仁濟睇急症,O晒嘴~
我當時諗,真係有事~去仁濟等到何年何月呀!!!
所以就自己去左港安睇門診.
港安醫生睇完我,再睇埋信,
就叫我即刻入院做掃描.搞到我鬼屎咁緊張TIM~
而肥羊,美美媽,老豆知道後,當然都係好緊張,即刻走來醫院睇我.
講真,果刻,我真係想喊,我以為自己會有D咩絕症,
我唔想死住,我仲要照顧叮叮~
唔好笑我,我當時真係諗住叮叮只係來左兩日,我唔想咁快同佢分離~HAHA~

ANYWAY,第二日做完掃描,醫生話我沒事,照唔到有咩大問題~
呢個時候,唔知點解,我又發燒WOR~小便又驗到有血(M十幾日前已經完左)
輕微發燒,我自己都感覺唔到D咩~
但係醫生為左安全,叫我留多一日,驗血,驗心電圖,再驗一份詳細小便報告.
就係咁,我就住左兩日院了~

當然....結果.....我都係沒事~係膽固醇高,同埋有脂肪肝,呢D都係我日日食街外野既後果~
醫生話要我戒口,食清淡D就OK~
三個月後覆診,住院事件告一段落.

但係...心水清的朋友會問我,
咁我左邊肚腫果塊係咩呢??
係我反覆思慮之下~終於俾我諗到了~
應該係之前果日趴係地下救叮叮時整親,當時可能緊張叮叮,所以沒留意到,
第二日先發現痛,依家已經沒腫沒痛了~

叮叮小姐,可能想媽媽健健康康照顧佢,
所以要媽媽做個全身檢查先~
好彩媽媽有買保險者~陰功,萬六蚊埋單.

叮叮好鐘意COCO送既頸帶,係咁聞.
但係呢,一幫佢帶上頸,佢就癲左咁咬住玲玲周圍跑,
都係等佢大D~成熟D先幫佢帶.

叮叮話咁快就四個月了~
媽媽最希望叮叮健健康康,日日食糧,痾便便,咁就心滿意足了~

呢個星期日,突然手痕,買左個豬手,玩光波咸豬手~
幾好食,不過可能光得太耐,皮太硬,咬唔到~~HAHA~

叮叮歷險記

諗唔到叮叮返來第二日,
就搞左單大大鑊~
話說叮叮頭一日返來困籠,
咁第二日早我起身,就諗住放佢出來行下,
點知就出事了~
大小姐佢一個轉身就入左鞋櫃底,
果度係兩個仔都入唔到去架~(大小姐肥過兩個仔),
初初我都唔知死,讚佢勁,咁窄都入到去~仲影埋相tim~
點知過左兩個鐘,佢都完全沒反應,出唔到來~
我地睇睇下,唔對路,
就走去用玩具引佢出來~
淨係見到佢前後郁動,但係點都出唔到來,
仲係度喵喵叫tim~
真係大鑊,
果下我地意識到隻傻貓入到去出唔到來~
我即刻用沐浴露擦佢個頭,等佢可以用力滑出來~噴埋水嚇佢~
見到佢好驚,係咁用力想出來~都係出唔到~
仲狂叫求救,
搞左三個鐘,用盡一切方法都搞唔掂,
我真係超驚~
叮叮呀~第二日者,你唔好嚇媽媽啦~
我驚到攞埋電話要call消防來救佢~
好彩,我突然醒起,樓下有維修公司,
佢地應該有鋸,可以鋸左塊木,
我即刻打俾佢地,叫佢地快d上來,佢地仲要我send相俾佢地報價,
我同佢地講,幾多錢我都要鋸ge了~唔使報價,快d上來,貓命危在旦夕~
可能我講得太恐怖~
唔使半個鐘,佢地就上左來~
個哥哥仔好小心,幫我徒手鋸塊木~(唔可以用電鋸,驚傷到叮叮)
雖然鋸到個鞋櫃好樣衰,
但係終於救到叮叮出來了~
我即刻抱佢去沖涼,因為佢全身都係沐浴露同木碎,
唔知叮叮係唔係驚得制,連沖涼都沒麥反抗,
好順利幫佢沖完涼,吹干毛,
佢攰到即刻係吊床訓著左~
就係咁,由早上9點搞到13:00,
叮叮歷險記完畢~屋企鞋櫃破相~~haha~

緣份

兩隻仔走左個幾月了~
生活過得好平淡~
直到依家,我都唔係好敢睇返兩隻仔既相,
驚自己又傷心~

今日係一個大日子~
李家三小姐---叮叮來既日子~
講起叮叮,真係緣份,
本來我同肥羊都諗住唔養小動物了~
就係大舊過身果日,
我舊同學(中學同學,畢業後沒再聯絡過)
突然係我FACEBOOK留言,
問我要唔要貓貓~
我知道佢有幾隻貓B係三月尾出世~
諗唔到佢竟然主動問我要唔要~
我相信呢個就係緣份,
之前想養貓貓,BUT一波三折~仲用左好多錢,
依家,領養左叮叮,
一隻非常可愛既貓貓~
當然,因為驚FIP菌仲係屋企,
所以我同老公已經大掃除左好多次,
用漂白水將所有野都洗過一次~
之後再用寵物專用EC CLEAN再過一次水~
耐心等左一個月~才敢接叮叮回家~
一切都非常順利,
希望叮叮可以健健康康,快樂成長~

呢張係一個月前係同學屋企影架~
依家叮叮大左好多~又重左好多~
不過據肥羊所講,叮叮仲未肯食野,
亦都未痾便便~
可能仲驚緊~
好想快D返屋企呀~
無奈,今日長周,又要留係公司打BLOG~

P.S.我問同學點解會俾隻貓貓我,因為我知佢好多朋友想要,佢應該一早分晒俾人~
原來,本來叮叮已經應承俾佢另一個FD,點知佢FD甩底,話屋企人唔俾養,之後佢就見到我FB大舊去左~所以就即刻留言俾我了~呢D就係緣份了~HAHA~

大舊去搵細佬了~

過左一個星期~
心情終於平復左~
大舊係星期一過左身~
又係FIP
FIP奪走左我兩個仔~
真係好心痛~
原以為大舊會沒事~
點知就係第十四日,
大舊就開始唔舒服,痾軟便,
我即刻心沉左沉~
經過狗仔事件後,我同老公都已經有了心理準備~
雖然中途都唔邪帶左大舊去睇醫生,照埋超聲波,
結果都係令人絕望~

大舊,媽媽真係盡晒力了~
媽媽都知你好唔捨得媽媽~
捱左咁耐~~
最後都係......
不過唔緊要~你上到彩虹橋搵狗仔~
狗仔係果度玩緊~有佢陪你,你唔使驚悶~
你地兩兄弟又團聚了~
你地係彩虹橋開心玩,開心食~
唔會再痛,唔會再嘔~
只要你地開心,媽媽就開心了~

雖然媽媽好唔捨得你地,但係老天爺唔俾你地陪我耐D~
佢想你地去一個無憂無慮既地方~
只可以怪我地緣薄~

大舊最後的照片.

大眼貓

我地真係越來越寵大舊,
呢隻衰豬已入侵睡房了~
呢幾日,衰豬都會半夜蛇入睡房,
跟住爬到高一高望住我地睡覺~
有幾次俾佢嚇親~~HAHA~

明明係佢嚇親我~仲要擺出一副俾我嚇親既樣~等我內疚.

漁屋慶生

99生日,加埋父親節,
所以邀請左兩家人一齊食放題慶祝.
漁屋,我同肥羊食過好多次~
水準一直都OK~
點知,今次人多~反而唔掂,
早一星期BOOK6:30已經沒位~都算數啦~改6點~
我地特登等齊人入座,剛好6點,點知7:15就來LAST ORDER,仲話我地5:45入座,所以7:45要走~痴孖筋~
一入座已經ORDER三文魚頭,魚鰭,因為食過幾次,知好快沒~所以都有就住叫,淨係叫左三份.
等左半個鐘都沒,就問下佢啦~都係果句賣晒~
第一ROUND 6點已經賣晒,你不如話沒~唔好俾人ORDER~
好多野都係三催四請先來~刺身ORDER了三次,兩次要催先來,第三次直情沒來~
最搞笑係有個女仔痴脷筋,來幫手追單,
同佢講串燒未來~等左15mins,又來問,再同佢講串燒未來~佢竟然指住碟青魚話來左~仲要講左三次~
要我地幾個人一齊同佢講,係串燒,唔係青魚,真係陰功~
講野唔清楚~連聽野都唔清楚~點追單呀~

最後要ORDER壽司才可飽肚,真陰功~
另外,生日有蛋糕送,一早已經講左有人生日,仲要係正日,見到門口張紙都有mark低,but到走果刻都完全沒反應.
中途熄燈,以為係啦~原來係抽獎.
見到99成肚氣,我都費時再追蛋糕,唉~
只可以講,漁屋超過四人都唔好幫襯,
之前同肥羊去食過好多次~三文魚頭encore都仲有~兩個人反而可以食兩個,真係無言.