新開始: 2013回顧

今日係公司閑閑地~
突發奇想,寫返篇2013回顧,
請真2012年過得好開心,好平淡,係我同老公既HONYMOON年~
二人世界左成年,係2013年,我地決定加新成員,
但係呢個新成員真係來之不易~
中間經歷了痛苦,折磨,認清了人性險惡,
亦都認清了何謂朋友,認清了某個人真面目.
新成員就係貓貓了~HAHA~
2013上半年,真係痛苦中渡過,
由某人應承俾貓我,到佢條女打來發爛渣,無辜被罵.
雖然之後個女人有打來SAY SORRY,仲話有第三者,係我面前痛哭流涕,
但中間太多大話,我已經深深認清楚呢兩個人真面目,以後沒朋友做~

之後,兩隻仔仔出現,我全心全意照顧佢地~
但卻先後因fip離世~心痛感覺,依家依然難捨~
頭半年就係咁樣過了~
我只可以同自己講,係上天俾我既考驗,
上天想我提早感受痛苦離別既感覺~
亦都令我明白,好多野,強求唔來,勉強沒幸福~
當你好想要某樣野,用盡一切方法~到頭來,反而更加痛苦.
幸好一路有肥羊係身邊,支持安慰我~

就係呢個時間~上天可能可憐我,
安排了囡囡出現,我地生命中既真命天女~
肥叮既出現,令我地家又出現了笑聲,
重回快樂~要再次多謝benny哥,送隻貓貓俾我~
呢隻玩皮既嗲精,帶左好多快樂俾我地~
雖然佢成日搞搞震,但只要佢一跳上我地大脾,就咩氣都沒了~